मल्हारपेठ :- मल्हारपेठ पोलीस स्टेशन हद्दीत होणार ग्रामसुरक्षा दल कार्यान्वित : श्री.उत्तम भापकर साहेब सहाय्यक पोलीस निरीक्षक मल्हारपेठ पोलीस स्टेशन.
मल्हारपेठ पोलीस स्टेशन मार्फत पोलीस निरीक्षक भापकर साहेब यांच्याकडून ग्रामसुरक्षा दलाची समाजामध्ये जागरूकता निर्माण करण्यासाठी कार्यक्रमाचे आयोजन करण्यात आले.
याप्रसंगी कार्यक्रमाचे प्रमुख पाव्हणे डी. के. गोर्डे (संचालक ग्राम सुरक्षा दल) यांनी उपस्थित जनसमुदायाला मार्गदर्शन केले व ग्राम सुरक्षा यंत्रणेचे महत्व सांगीतले.
*ग्राम सुरक्षा यंत्रणेची उद्दिष्ट*
घटनाग्रस्त नागरिकांना परिसरातील नागरिकांची तातडीने मदत मिळणे.
गावातील कार्यक्रम / घटना विना विलंब नागरीक/ग्रामस्थांना एकाच वेळी कळवणे.
अफवांना आळा घालणे.
प्रशासनाला नागरिकांशी जलद संवाद साधता येणे.
पोलीस यंत्रणेस कायदा व सुव्यवस्था कायम राखणे कामी नागरिकांचे सहकार्य मिळणे.
*ग्राम सुरक्षा यंत्रणेची वैशिष्ट्ये*
संपूर्ण स्वयंचलित यंत्रणा.
गावासाठी यंत्रणा सुरु करणे व सहभागी होण्यासाठी सोपी पद्धत.
संपूर्ण भारतासाठी एकच टोलफ्री नंबर. 18002703600/9822112281
यंत्रणेत सहभागी असलेला कोणताही नागरिक आपत्ती काळात संपूर्ण परिसराला सावध करू शकतो.
संदेश देणाऱ्या व्यक्तीच्या आवाजातच संदेश कॉल स्वरुपात परिसरातील नागरिकांना मिळतो.
दुर्घटनेचे स्वरूप, तीव्रता , ठिकाण कळल्याने गावकऱ्यांना विना विलंब व नियोजनबद्ध मदत करता येते.
नियमानुसार दिलेले संदेशच स्वयंचलित रित्या प्रसारित होतात
नियमाबाह्य दिलेले संदेश/ अपूर्ण संदेश रद्द होतात व प्रसारित होत नाहीत.
एका गावात चोरी करून चोर दुसऱ्या गावच्या दिशेने गेल्यास त्या गावालाही सावध करणे शक्य.
वाहन चोरीचा संदेश आजूबाजूच्या 10 किमी परिसरातील सर्व दिशांच्या गावांना तत्काळ मिळतो.
घटनेच्या तीव्रतेनुसार कॉल रिसीव्ह होत नाही,तोपर्यंत रिंग वाजते.
संदेश पुढील 1 तास पुन्हा पुन्हा ऐकण्याची सोय. कोणत्याही वेळी आपल्यासाठी संदेश तपासण्याची सोय.
चुकीचा संदेश किंवा मिसकॉल देणारे नंबर आपोआप Black List होतात.
गावाबाहेर दुसऱ्या गावात अपघातग्रस्त नागरिकाचा संदेश घटना घडलेल्या परिसरातही प्रसारित होतात.
सरकारी कार्यालये/ पोलीस स्टेशन आदींना आपापल्या कार्यक्षेत्रातील सर्व नागरिकांना किंवा विशिष्ट एक किंवा एकापेक्षा जास्त गावांना किंवा कर्मचाऱ्यांना सूचना/आदेश देता येणे शक्य.
मा. जिल्हा पोलीस अधीक्षक मा. श्री.समीर शेख ,जिल्हा परिषद मुख्य कार्यकारी अधिकारी मा. श्री.ज्ञानेश्वर खिल्लारी यांच्या प्रयत्नातून ,व सयुंक्त विद्यामाने ग्राम सुरक्षा यंत्रणा कार्यान्वित करण्याबाबत मंगळवार दिनांक 21/11/2023 रोजी मल्हारपेठ पोलीस स्टेशन येथे ग्राम सुरक्षा यंत्रणेचे 18002703600/9822112281 प्रशिक्षण व प्रात्यक्षिक कार्यक्रम आयोजित करण्यात आला.सदर कार्यक्रमास मा.श्री उत्तम भापकर सहाय्यक पोलीस निरीक्षक मल्हारपेठ पो.स्टे,श्री.गणेश लोकरे वरिष्ठ विभागीय अधिकारी ग्राम सुरक्षा यंत्रणा,श्री.सतिश शिंदे संपर्क अधिकारी ग्राम सुरक्षा यंत्रणा यांच्यासह मल्हारपेठ पोलीस स्टेशनचे अंमलदार व हद्दीतील सरपंच,उपसरपंच, ग्रामपंचायतचे सर्व सदस्य, पोलीस पाटील, तंटामुक्ती अध्यक्ष,पत्रकार बांधव, अशा सेविका, अंगणवाडी सेविका तसेच सामाजिक कार्यकर्ते मोठ्या प्रमाणात उपस्थित होते.
Author: Janmat News
